हाम्रो बारेमा

वि सं २०३८ मा रमणीय पौराणिक तथा ऐतिहासिक डोटी जिल्लाको केन्द्र भागमा नगरपालिकाको स्थापना कोट भैरव तथा सिलगढी गाउँ पञ्चायतका साथै तिखा र रानागाउँ ,गाउँ पञ्चायत अन्तर्गतका केही गाउबस्तिहरुलाई समेत समावेश गरी आरम्भमा दिपायल नगर पञ्चायतको नामबाट भएको हो। त्यस पछि वि सं २०४७ मा भवँर डाँडा र तिखा गाउँ विकास समितिहरुलाई समेत समावेश गरी नगर क्षेत्रलाई १४ वडामा विस्तार गरिनुको साथै "दिपायल सिलगढी" नगरपालिका नामाकरण गरियो। तत्पश्चात २०६२/०६३ को जनआन्दोलनबाट स्थापित लोकतान्त्रीक गणतन्त्र नेपालमा राज्यको पूनरसंरचना भई २०७३/०७४ मा देशलाई नै ७५३ स्थानिय तहमा विभाजन गर्दा यस नगरको पनि सिमाना विस्तार भई साविकको कलेना गा.वि.स, बगलेक गा.वि.स को वडा नं. ८ र ९ र खातिवडा गा.वि.स को ४,५ र ६ नं. वडाहरु गरि दिपायल सिलगढी नगरपालीका कायम भएको छ भने डोटीमा ५० गा.वि.स र १ (एक) वटा नगरपालीकालाई ९ वटा स्थानीय तहमा पुर्नसंरचना गरिएको छ । यस नगरको एतिहासीक र धार्मीक नगरका रुपमा पनि पहिचान रहेको भगवान राम का पूर्खा राजा दिलिपले तपस्या गरि स्थापना गरेको दिल्पेश्वर मठ र स्कन्धपुराणको मानस खण्डमा बर्णीत चन्दनगिरी पर्वत हालको सिलगढीमा अवस्थित शैल्श्वरी मन्दिर यसै नगरमा रहेको छ ।